عن الحرية و تحرير الاسواق
Dec 29, 2021 5:30 PM
أي كتاب ديال التاريخ قريتيه، على أي حضارة عملاقة، غادي تلقاها تبنات على الحرية، ولكن آشمن حرية؟ واش حرية التعبير؟ وشكون غايعطيك هاد الحرية؟ حرية الإنتاج؟ وشكون غايعطيك هاد الحرية؟ حرية التنقل؟ وشكون غايعطيك هاد الحرية؟ كيفاش أيها المروكي كاتتنسنى شي واحد يعطيك حرية عطاها ليك الله نهار تزاديتي من كرش أمك؟ واش رجليك حيداتهم ليك الدولة؟ فمك باش كاتهضر حيّداتو ليك الرأسمالية ؟ واش يديك باش غاتنتج وتبتكر حيدوهم ليك الماسونية هههه أو الزواحف من كوكب اندروميدا ؟
التقدم و الحرية الاقتصادية كايجي من الأسواق، الأسواق هي مايخلق فرص العمل، هي ما ينتج الحضارة، الآيفون، السيارات، الأنترنيت، العملة الرقمية، والتنافس هو اللي كايطلع جودة الخدمات، كون ماكانتش تنافس بين العملات الرقمية كون عمر بنادم يدير الصرف، وكون ماكانش التنافس فوسائل التواصل الاجتماعي كون ماعطيناش تورة الميتافيرس، وكن ما التنافس ماتوليش تلقا الايردروب و الكيفاواي للعملات الجديدة و المشاريع فالبلوكشين، وكون راك باقي عايش كاتعمر الكابتشا ههههه، أوروپا آ ولد الناس تقدمت بتحرير الأسواق من الإمتيازات، والمغرب لا باغييتو يتقدم راه خاص تحيدو الإمتيازات و البنادم مايبقاش يتسناها باردة .
3
Comments
Powered by RoundtableBuilt on infrastructure designed for real-time media. Learn more at RTB.io.© Roundtable 2026. By using this site you agree to the Terms of Use and Privacy Policy